اصنعي ورة من القماش (للبنات) بالصور

السلام عليكم ورحمة الله وبركاته ● ● ●


اشكال مختلفة من الورود بالقماش






بنستخدم لصنع الورود اقمشة عادية اي شي متوفر عندك بالبيت .. المستخدم هنا تول وقماش كذا قريب من القطن وجوخ ( للتثبيت)





نقص من التول والقماش الثاني مستطيل عرضه تقريبا انشين او اكثر شوي ( زي ما تحبين حجم الوردة يكون ) طبقي المستطيل على بعض لين يصير مربع وقصي دائرة .. يعني عشان تسهل عملية القص بس اذا حبيتي ممكن تقصينه مربعات وتقصين كل مربع لدائرة بس باحجام متفاوتة (كبير، وسط، صغير، صغير مرة، وهكذا) زي مو واضح معانا بالصورة فوق




الحين صار عندنا مجموعتين من الدوائر .. نجيب شمعة وبشويش نبدا نحرق اطراف التول .. القماش الثاني ما احتجت احرق اطرافه لان شكلها احلى وهي مشرشرة .. بس لو كان حرير مثلا او ساتان كنت بحرق اطرافه




الحين بدا الشكل يظهر معانا .. نحط الدواير فوق بعض نفس اللي بالصورة وبخيط من نفس اللون نثبها مع بعض




ونجيب اي اكسسوار نبيه حبة لولي او كرستال او اي شي ونثبته بالصمغ المسدس وسط الوردة .. المستعمل هنا قطعة من حلق .. حلو نسفيد من اكسسوارتنا لو شوي قبل لا نرميها




نجي للوردة الثانية .. نقص قطعة مستطيلة من القماش بلمقاس اللي نبيه (نقيسها بالنظر) ونطبقها مرة، مرتين ثم نربط طرفها
نمسك الطرف اللي ربطناه ونبدا نبرم باقي القماش ونلفه حوالين العقدة وكل ما نبرم ونلف نحاول نثبت بالصمغ ونكمل الين يبقى شي بسيط من الطرف .. نمسكه نلفه لورا وبشوي صمغ نفرده ونثبته (بكذا نكون ثبتنا الورده كلها ببعضها بالصمغ) اي زيادة نقصها والخيوط اللي بتطلع من بين البرمات عادي نقصقصها مو لازم تطلع الوردة نظيفة تماماً حلاتها انها تكون عشوائية نوعاً ما




وصلنا الحين لاخر مرحلة .. نقص دواير من قماش الجوخ يكون حجمها اصغر شوي من الوردات
ونجيب القطعة اللي نبي نثبتها عليها سواء طوقة او ربطة مثل المستخدمه



وزي الصورة نلصق الجوخ بالوردة بحيث تكون الربطة بينهم ونثبت الاثنين بنفس الطريقة ( ممكن تستخدمين قطعة جوخ مستطيلة وحدة وتثبتين بها الوردتين )



عندك اكشخ ربطة شعر باللون اللي تحبين وبالقماش اللي تبينه بدون لا تلفين بالمحلات تدورين لون يناسب لبسك ولا لبس بنوتتك الصغيرة


اتمنى يكون الدرس عجبكم ويفيدكم


ودي,

جزيت خير على الموضوع المفيد والمتميز جداا
اعجبتني الفكرة